Sunil
‘డ్యూ డేట్’లో పవర్‌ఫుల్ లాయర్‌గా వెర్సటైల్ యాక్టర్ సునీల్
వెర్సటైల్ యాక్టర్ సునీల్ ‘డ్యూ డేట్’ సినిమా షూటింగ్‌లో జాయిన్ అయ్యారు. ఈ చిత్రంలో ఆయన శేఖర్ చంద్ర అనే పవర్‌ఫుల్ లాయర్ పాత్రలో కనిపించనున్నారు. లోమేష్ పుడిపెద్ది హీరోగా, జయశ్రీ హీరోయిన్‌గా నటిస్తున్న ఈ చిత్రంలో ప్రణీత పట్నాయక్, విజ్ఞాని, కృష్ణ భగవాన్, అక్షర గౌడ కీలక పాత్రలు పోషిస్తున్నారు.
వరల్డ్ స్టూడియోస్ బ్యానర్‌పై పవన్ తరిగోపుల, ఏలూరు శ్రీను నిర్మిస్తున్న ఈ చిత్రానికి ఆనంద్ కె. దర్శకత్వం వహిస్తున్నారు. ఇటీవలే ఈ సినిమా గ్రాండ్‌గా పూజా కార్యక్రమాలతో ప్రారంభమైంది. ప్రస్తుతం హైదరాబాద్‌లో శరవేగంగా షూటింగ్ జరుగుతోంది. సినిమాలోని పలు కీలక సన్నివేశాలను చిత్రీకరిస్తున్నారు. మరోవైపు, ప్రముఖ హాస్యనటుడు కృష్ణ భగవాన్ కూడా కొంత విరామం తర్వాత ఈ సినిమా షూటింగ్‌లో పాల్గొన్నారు. ఆయన పోషిస్తున్న విభిన్నమైన పాత్ర ప్రేక్షకులను అలరించనుంది.
సునీల్ పాత్ర గురించి నిర్మాతలు మాట్లాడుతూ, “ఈ సినిమాలో సునీల్ శక్తివంతమైన న్యాయవాది శేఖర్ చంద్రగా కనిపించనున్నారు. ఆయన పాత్ర సినిమా ప్రధాన ఆకర్షణల్లో ఒకటిగా నిలుస్తుంది. ఈ విభిన్నమైన పాత్ర సునీల్ కెరీర్‌లో గుర్తుండిపోయే పాత్రగా నిలుస్తుందని నమ్ముతున్నాం. సమకాలీన, సామాజిక ప్రాధాన్యత కలిగిన అంశం నేపథ్యంలో రూపొందుతున్న ‘డ్యూ డేట్’ ఆసక్తికరమైన మలుపులు, ఉత్కంఠభరితమైన సన్నివేశాలతో కూడిన కమర్షియల్ కోర్ట్‌రూమ్ డ్రామా. ప్రతి ఒక్కరి జీవితంలోనూ ప్రాధాన్యత కలిగిన ‘డ్యూ డేట్’ చుట్టూ ఈ కథ సాగుతుంది. బలమైన కమర్షియల్ అంశాలతో పాటు సరికొత్త కథనాన్ని ఈ సినిమా అందిస్తుంది” అని తెలిపారు.
వినోదం, ఉత్కంఠ, భావోద్వేగాల సమ్మేళనంగా ‘డ్యూ డేట్’ చిత్రాన్ని రూపొందిస్తున్నట్లు మేకర్స్ వెల్లడించారు. ఆసక్తికరమైన కథాంశంతో ప్రేక్షకులకు సరికొత్త సినిమా అనుభూతిని అందించడమే కాకుండా, కథలోని సామాజిక అంశం గురించి ఆలోచింపజేసేలా ఈ చిత్రం ఉంటుందని తెలిపారు. వినోదాన్ని అందిస్తూనే ప్రేక్షకులను భావోద్వేగపరంగా కథతో అనుసంధానం చేసేలా సినిమా తెరకెక్కుతోంది.
ఈ చిత్రానికి జవ్వాడి నాయుడు ఆర్ట్ డైరెక్టర్‌గా, హరీష్ ఆర్. మీనన్ డైలాగ్ రైటర్‌గా, సత్య గిడుతూరి ఎడిటర్‌గా, చెంచు జింకా సినిమాటోగ్రాఫర్‌గా పనిచేస్తున్నారు.
ఆసక్తికరమైన కథాంశం, కోర్ట్‌రూమ్ నేపథ్యం, బలమైన పాత్రలు, ప్రతిభావంతులైన నటీనటుల సమాహారంతో ‘డ్యూ డేట్’ సినిమా రూపుదిద్దుకుంటోంది. ప్రేక్షకులను కథలో లీనమయ్యేలా చేసే ఆసక్తికరమైన కమర్షియల్ డ్రామాగా ఈ చిత్రం నిలుస్తుందని చిత్ర బృందం ఆశాభావం వ్యక్తం చేస్తోంది.
